شرين:قوم يا ادم خالتك المجنونه هي ومريم دلوقتي في الطيارة وبلغتني والطياره بتتحرك

ادم:ايه مريم جايه

شرين:خالتك ومريم بسرعه البس وروح استناهم

ادم:هوا

ارتدى ادم ملابسه بسرعه وقبل ان يخرج

ادهم:ادم خد بالك هاه

نظر ادم ل اخيه وخرج ركب سيارته وتحرك الى المطار نظر في المرأه وتأكد من شكله ونزل

--------

كانت مريم تضع الحقائب وتحرك العربة وهي تشغل هاتفها كي تطمئن على ملك توقفت هي ووالدتها قليلا كي يقومو بشحن الشريحة المصرية

مريم:مامي بقولك انا هدخل الحمام لحظة

والدة مريم:اوكى يا حببتي

دخلت وبدات بتنظيم شكلها

---------

كان يعد الدقائق وهو منتظر خروجها من باب مطار القاهرة كان يقف على احر من الجمر وفجأة وجد والدتها تخرج من الباب وخلفها حبيبته فهي اول حب في حياته حب طفولته ومراهقته وشبابه بدأ يخفق قلبه وهي تقترب منه بصحبة والدتها وتضع السماعات في اذنها اسفل حجابها افاق على صوت والدتها

والدة مريم:ازيك يا حبيبي عامل ايه واحشتني

ادم:ازيك يا خالتي حمد الله على سلامتكم (ونظر لها وعينه تلمع):ازيك

حركتها والدتها بخفه لانها لم تكن تسمع بسبب الموسيقى اوقفت الموسيقي وابتسمت له بابتسامة تأسره

مريم:ازيك عامل ايه

ادم:انا تمام هاتي عنك

اخذ عربة الحقائب وذهب نحو سيارته ووضع بها الحقائب وركبو جميعهم كانت في الخلف تنظر من النافذة شاردة تستمع ل اغانيها المفضله وكان هو يسرق النظر لها في المراة وجدها تغمض عينيها وتغني مع احد الاغاني وعندما تنتهي تفتح وتنظر من النافذه اثاره الفضضول بشده وصلو لمنزله وصعدو

مريم:ازيك يا خالتي وحشاني جدا والله

احتضنتها والدته وتمنى في تلك اللحظة ان يكون من حقه تلك الضمه ولو لثواني اتى اخاه الاصغر فابتسمت هي ابتسامة واسعه

مريم :عااااا واحشني جدا

ادهم:وانتي اكتر حمد الله على السلامة

مريم:الله يسلمك

شعر ببعض الضيق فهي دائما تعامل اخاه معاملة خاصة وتعامله هو بجفاء

شرين:كبرتي يا مريم وبقيتي عروسة ربنا يرزقك ب ابن الحلال

مريم(بابتسامة صفرا):ليه كدا يا طنط ادعيلي اتخرج مش تدعيلي بقفص

شرين:ليه كدا يا بت دا الجواز حلو والله

مريم:اوى ما انا شايفه اهو

والدة مريم:لمي لسانك يلا وخشي غيري هدومك

مريم:بس البيت متغيرش من اخر مره شوفته فيها ادهم اغير فين

ادهم:تعالي يا مفعوصة

مريم:قشطة هعديها بمزاجي

اوصلها ادهم للغرفة وتركها تبدل ملابسها وخرجت لهم مرتدية بجامه واسعه وطرحه

شرين:ما تفكي يا بنتي كدا وخدي راحتك

مريم:ما انا على راحتي اهو

وكانت تنظر في هاتفها مترددة واتصلت ووضعت الهاتف على اذنها

والدة مريم:بتكلمي مين

مريم:ملك مش بترد فبكلم احمد

والدةمريم:هما وصلو

مريم:بشوف اهو الو يا حيوان

احمد:لمي ملافظك ديه

مريم:انا مش قولت تطمنوني عليكم ولا اموت من القلق انا واولع

اشارت لهم ودخلت الشرفة وكان ادم داخلها وجدها تدخل فرجع للوراء وكانت لا تراه بسبب عدم وجود اضائه

مريم:طب خلاص هسامح المره ديه عارف يا احمد لو عملتوها تاني هعمل فيكم ايه

احمد:عارف

مريم:فين ملك

احمد:بتاخد شور مريم عاوز اعرف رائيك في موضوع امل

مريم(تنهدت):بص يا احمد الحب دا قد ما هو حاجه ممكن تعيشك في سابع سما وتوصل ل ليفيل الوحش من كتر السعادة ممكن يوقعك ل سابع ارض يخليك هش اوي وضعيف اوي ويوجعك اوي ومافيش حب مكنش فيه مشاكل ووجع حتى في الروايات والافلام انا مش هقدر امنعك احنا مش بنتحكم في مشاعرنا بس بلاش تأذي نفسك ع قد ما تقدر لانك غالي عندى اوي

احمد:هو انا ليه حاسس انك موجوعه من الحب اوي كدا

مريم(مسحت دمعتها):موجوعه من الحب ايه بس انا عندى كام سنه علشان اتوجع منه انت شوفتني بكلم حد غيرك يعني

احمد:اوعى تكوني بتحبيني

مريم(ضحكت من قلبها بشده):فصلتني وربنا حرام عليك اااااه قلبي بجد الناس تقول عليا ايه قريبتهم منحرفه تضحك مع شاب غريب على الهاتف

احمد:طب يا اختي ملك اهي

ملك:الوووووووووووو

مريم:حبعمرااااااااي

ملك:عامله ايه حصل مواقف شقلبظات

مريم:لا طبعا المهم هتيجو القاهرة امتى واحشتوني

ملك:هنحاول نيجي لا تقلقي

مريم:طب هقفل معاكي يا حبي دلوقتي واطلع لهم علشان مبقاش قليلة الزوق

ملك:ودا من امتى دا

مريم:لازم نديهم الانطباع الحلو الاول مش اصدمهم كدا المهم قوليلي الواد الفاجر اللي بعتيلي صورته دا ايه وضعه اكيد مرتشبط